由何廣沛、江嘉敏、郭子豪等主演的《食腦喪B》於昨晚播出，劇情講述喪B(何廣沛飾)因錯吃生豬腦後，見工期間突然扮豬叫，更在大街大巷爬來爬去。談到相關場口，何廣沛受訪時坦言印象深刻：「除咗扮豬叫，仲要喺中環趴喺條街度爬，嗰時仲要係朝早返工嘅繁忙時間，好多奇異眼光望住我，嗰個感覺唔似拍緊劇，我真係以為自己係一隻豬！雖然拍嗰時都算辛苦，但好彩出嚟效果幾好笑，都係值得嘅。」
今日他上載多張拍攝花絮，他表示當時其實完全沒有信心和想法如何扮演一隻豬。由於拍攝此片是正值第一波疫情爆發，所以街上戴口罩的途人並不多。
開直播被笑搵Morning Chu
昨日何廣沛、郭子豪、江嘉敏及紹聰在劇集播畢後在IG開直播，三男不停窒江嘉敏，當她致電找陳曉華加入直播時，又被三男笑她與陳曉華不和，其後何廣沛笑言要找馮盈盈加入直播，隨即令江嘉敏黑面。當何廣沛提到扮豬在鬧市爬來爬時，郭子豪與方紹聰就問他是問哪一個「朱」獲得靈感，又笑言是否看得很多「朱」，何廣沛就笑住表示看不同豬的片段，之後再被郭子豪問︰「係咪會睇朝早啲『朱』？即係morning 『朱』呢？」不停借意提起朱晨麗，搞到何廣沛難以招架，隨即拉開話題。
郭子豪問是否找Morning Chu時，何廣沛大笑。