Eric Kwok首次亮相《Chill Club》，請來曾在《全民造星》合作的強尼合唱。
現正擔任TVB節目《勁歌金曲》主持的Eric Kwok(郭偉亮)，破天荒在ViuTV音樂節目《Chill Club》現身，被問到事前有否跟TVB溝通？Eric形容TVB很開通：「佢直頭話『你唔使問我㗎喇』，因為我係一個歌手身份所以去邊度都OK，而且都冇畀咩說話或者壓力我，好自由。」至於會否擔心網民質疑「兩邊走」？他坦言明白網民的關注，「但我自己唔太擔心，因為我覺得大家都希望見到更多唔同歌手喺唔同平台出現。」
笑對「Eric Kwok之亂」負評
今次Eric請來全能強尼合唱《我不如》和《1984》，他解釋：「以往同強尼喺《全民造星》合作過，而且頭兩屆我哋都有份參與，又知道佢係唱得之人，大家又係主持，今次不如就以歌手身份見大家，佢又爽快應承。」兩人亦聯同Mike合唱《Iron Man》、《無限》、《大大公司》及《RIPBOY》等作品Medley。對於首次在《Chill Club》表演，他表示由於節目在《全民造星》的錄影廠拍攝，又與Joey Tang班底認識多年，覺得舒服又親切。
近日有網民以「Eric Kwok之亂」形容他的創作，面對負評的Eric剖白：「我每次做歌都係以幫到位歌手，而且唱片公司同歌手都鍾意作為前提去做。個遊戲就係咁好玩，永遠都唔會知邊首會hit到。」而他的新歌《等埋你》歌詞相當破格，林若寧將「天災死都要與你/飢荒死都要與你/怎麼死都約定你那怕有違禁忌」都寫進歌詞，Eric形容是一首「死死聲」的甜蜜情歌，笑言要歌手和唱片公司都百無禁忌才做到：「我做咗歌廿幾年都未試過情歌有份咁嘅詞，甜蜜浪漫之餘，又有啲抵死、幽默咁，好代表到我嘅性格。林若寧都話『係得你先唱到』。」
