曾志偉表示找到張學友演出是很難得的事。
無綫副總經理曾志偉出席《2021香港小姐競選決賽》記者會。今屆港姐請來歌神張學友擔任表演嘉賓，問志偉是否由他親自邀請對方亮相，他表示首日上班收到學友致電祝賀，當時對方表示有需要可以找他幫手。志偉說︰「今次搵佢之前已經構思好晒，佢話我哋諗好晒，唔係求其搵佢，所以好快答應。」
志偉透露，今屆港姐決賽會以古文明建築做藍本，戶外會搭建一個巨型三角宮殿，讓學友表演。提到決賽當日可能遇上颱風，他表示已有兩手準備，若然天氣許可便繼續戶外進行，但假如打風便會播片，明天開始錄影片段。
模式太耐 要停一停
對於農夫的C君被委任為J2台創意總監，志偉表示「冇乜大不了」，他指C君是想法多多的人，亦沒有拆散農夫的意圖，也沒有阻止C君在幕前演出。他直言跟陸永已認識了一段時間，亦很欣賞他，所以也有意邀請對方擔任要職。提到早前《#後生仔傾吓偈》忽然被腰斬，是否志偉的意思，他未有正面回應︰「點講都冇乜所謂，同監製傾過，《流行經典50年》一樣都好多觀眾，但都要停一停，啲模式太耐，係時候要停一停，轉一轉。《#後生仔》啲話題都講到七七八八，加埋入面嘅人都成熟咗，又入咗劇組。」
志偉指《#後生仔》討論的問題已經七七八八，認為要轉一轉。