16位佳麗玩椰子船前大合照。
《2023香港小姐競選》16位佳麗在嘉賓主持黎諾懿及兩位師姐謝嘉怡及梁凱晴帶領下，前往越南峴港及會安拍攝外景。今日大會發布一眾佳麗體驗坐椰子船的官方照，以色彩繽紛Casual Wear上陣的佳麗大晒青春活力一面，非常Sharp醒。由於應屆佳麗感情要好，大會刻意安排較投契的佳麗「二人一組」坐上同一隻椰子船，增加二人深度溝通機會，結果成功撮合莊子璇及鄧凱文這對「多嘴組合」。
莊子璇及鄧凱文非常啱傾。
non-stop講45分鐘
與鄧凱文坐同一條船的莊子璇笑言：「我同佢有好多嘢講，由第一日到埗講到今日。」自認與莊子璇Friend爆的鄧凱文笑言：「我哋全程係non-stop咁講嘢，真係辛苦晒剪接師要聽足45分鐘嘅對話！」
王怡然一日三餐
自言不諳水性的陳曉彤指只是「起初有啲驚」：「原來好似遊船河咁，我有咩事嘅就捉住同船嘅Jenny（姜依宁）！」貪玩的陳霈錤笑謂：「見個船伕喺度表演轉船，都好想玩埋一份。」對於被爆料指是「食物黑洞」、去到邊食到邊，王怡然笑言：「其實都想Keep fit，因為塊面好大，喺香港時我一日一餐，嚟到越南就一日三餐。」
