馬國明直認到法國拍攝婚照，更大讚湯洛雯「好靚」。
馬國明與湯洛雯早前到法國旅行，靚湯日前在IG放閃，分享大量與馬明在當地的甜蜜時光。然而，在較早時間就有大陸網民拍到靚湯在名店黑面的畫面，在旁的馬明則一臉無奈。近日馬明接受無綫訪問，承認到當地拍攝婚照，並為黑面一事解畫。
他稱當日靚湯不是黑面，而是很開心，稱「去到法國搵到一啲，香港排隊都唔會有嘅嘢，喺法國又俾佢排到，仲即刻買到，但喺法國生活十日八日，原來法國人節奏真係好慢，佢哋做嘢好Relax、好悠閒，好多時都要等，但香港人節奏生活好快，成日諗『點解等咁耐？』、『仲要等幾耐？』，可能個網民唔知，其實佢唔係嬲，買到自己想要嘅嘢，又可以幫朋友買到。」他直言自己當時也等到出現天然呆表情。
提到在當地拍攝婚照，馬國明直認不諱，並多次大讚靚湯好靚，又稱他們換了幾套衫，都很配合法國的風景，加上靚湯變得更fit，所以現在揀相都很頭痛。他稱要讓靚湯揀好之後，便會公開發布給大家看。他又提到在法國一些偏僻小鎮遊覽時，該處年輕的華人竟然認得他，令他深感榮幸，大讚TVB好犀利。
馬國明一提起湯洛雯就甜笑。