馮允謙三場紅館個唱門票火速售罄。
馮允謙（JayFung）將於三月在紅館舉行《JAYPOP LIVE@COLISEUM 馮允謙演唱會 2023》，門票今早十時公開發售，火速售罄，反應熱烈，Jay非常開心，透露最近秘密練兵，為歌迷帶來新驚喜。同時他亦要求入場觀眾做一件事，一齊為他的首個紅館演唱會創造美好回憶。
問Jay演唱會籌備進度，他透露最近秘密練兵，「今次我嘅演唱會有秘密武器，雖然唔可以講晒，但可以講其中一項係關於樂器，到時為大家表演。如果做得唔好，唔好笑我呀，我真係放咗好多努力去學，希望入場嘅歌迷享受啦！」
Jay透露最近秘密練兵。
為海報影到雙臂痠軟
為了今次演唱會，Jay拍了兩款海報，兩款都色彩繽紛。早前曝光吹波糖版本海報，玩味十足。最近一款高舉相機的海報，拍攝過程亦充滿笑聲，為配合拍攝Jay今次雙手穿過紙板，拿著相機雙手高舉過頭，隨意做出由一至十和OK手勢，讓攝影師鏡頭捕捉，雖然雙臂痠軟仍交足戲，非常有趣。Jay說：「我每次開騷都當係一個大派對，就好似今次影咗兩款海報咁多開心，咁多色彩，希望歌迷入場都著得彩色繽紛，抱著開開心心嘅心情嚟睇我表演。」
Jay為個唱海報拍到雙臂痠軟。