盈盈在IG上載照片，表示與朋友食飯。
馮盈盈傳與緋聞男友鄭衍峰分手，更有指盈盈釣金龜於是不想認愛。日前盈盈被拍得與西裝男到米芝蓮三星餐廳撐枱腳，據知埋單近3千元。鄭衍峰昨日與歐陽偉豪(Ben Sir)、戴祖儀、林穎彤等出席節目記者會時，自爆請盈盈食飯逾百餐，合共不止3千元。
鄭衍峰表示未有看過相關報道，認為與朋友食飯是正常社交︰「靚女有人請食飯都好正常，我都同女仔食飯。我喺canteen請佢食飯，加加埋埋都百幾二百餐，埋單都唔止呢個數！開工有時一齊食，請佢食。(話你哋鬧交驚動高層？)無！無！」盈盈則在IG分享當日與西裝男享用的意大利菜照片，並指很開心與朋友共聚午餐。
鄭衍峰指自己的生活一點都不枯燥乏味。
自詡有美女陪
鄭衍峰表示最近忙於拍攝《天天開運王》，生活亦都多姿多彩，更指自己有美女相伴︰「一啲都唔dry！拍呢個節目又有戴祖儀、林穎彤陪，之後喺香港發現好多地方，咪keep住去行山囉。」