骨折未癒照出席活動 菊梓喬：希望明年出新歌

菊梓喬(Hana)今日現身銅鑼灣出席美容及保健品品牌活動。10月因意外腳部骨折的Hana，帶傷出席活動非常敬業，她還安慰fans們不用擔心：「之前因為自己唔小心整親骨折，醫生話正常完全康復需要三個月至半年，依家已經可以簡單行到路，算唔錯啦。」

練歌當減肥

養傷期間不能做運動，問她如何保持健美狀態，Hana笑言：「受傷真係少好多運動，不過我用其他方法keep fit，練歌係個唔錯嘅選擇，用多啲上半身嘅力量同丹田，促進新陳代謝。」Hana亦分享了她的護膚心得：「補水好緊要，我習慣起床時及睡前飲大量溫水。自從養成呢個習慣後，皮膚缺水問題明顯改善，連乾紋同皺紋都好似消失咗一樣。」

演《逆天奇案2》扮孕婦

回顧2023年，Hana表示非常滿足，即使受傷亦並無大礙，身邊人亦安好，已很滿足，希望來年更加好。她透露將在來年推出的電視劇《逆天奇案2》中演出，而且還有一個好對手：「除咗飾演我老公嘅謝東閔外，因為我飾演一名孕婦，我個大肚陪住我拍咗好耐，所以個肚其實係我最大對手。」聖誕即將到來，Hana已約朋友回家開派對。對於fans一直催促她出歌，她說：「希望明年年初有新歌面世。」