劉威煌公開布志綸嘅語音口訊。(發稿)
今集邀請陳潔靈擔任評判。(發稿)
周六晚將播映第4集《演鬥聽》，今次王梓軒邀請了布志綸（Alan）、劉威煌、曾比特（Mike）及周詠婷（Kerryta），來個音樂格鬥。
於《我點你作》一環，劉威煌出賣布志綸，將對方口訊用作素材，劉威煌反駁：「冇出賣佢，只係節目組要求，希望搵啲搞笑嘅voice msg出嚟，咁啱今集對Alan，本身佢個人係好認真嘅，但佢唔係好識推(拒絕)我，所以我攞咗呢個voice msg出嚟，好搞笑，佢推得好婉轉，不過我拎出嚟之前都有問過Alan，當然要尊重番佢，佢覺得ok、好笑嘅！」
曾比特問到上《演鬥聽》的困難及壓力，他表示：「除了落大雨塞車，最困難都係創作嗰part，臨尾要創作4個bar，我平時寫作方面都爭少少，同埋要喺一個好短嘅時間創作出嚟，幾有挑戰性。」
而劉威煌即補充話：「雖然得4個bar，十秒好快，但要即刻搞都難㗎！」