2025-08-08 19:09:47

魯庭暉離巢後首度出po 發生MIRROR紅館意外後相隔三年更新IG

MakerVille行政總裁魯庭暉日前宣布離開MakerVille，由ViuTV過檔華納唱片，為華納出任亞太區總裁，而魯生原本職位會由金廣誠接任。

魯庭暉於2004年投身廣告界，曾為多間知名公司創作廣告，更獲美國的蘋果公司委任為亞洲區創意總監。2010年，魯庭暉回港加入電訊盈科集團，起初負責黃頁業務，後轉職至電訊盈科旗下收費電視台Now TV，曾任電視及新媒體高級副總裁（策略），以及管理製作、節目和廣告部門。離開效力15年的舊東家，他任內製作的節目《全民造星》為演藝界帶來大量新血，更捧紅MIRROR、ERROR及COLLAR等人氣偶像，可是MIRROR紅館意外後，魯庭暉轉向低調，甚少受問，亦在2022年7月後一直沒有更新IG。

及至今日傍晚，魯庭暉相隔三年終於再度出po，他寫：「細細個第一次去外國讀書，同學問我叫咩名，因為我冇好鍾意嘅英文名，而香港嘅朋友都叫我魯暉。所以我就順口答咗佢哋my name is lofai. 跟住畢業，做第一份工，做第二份工，遇到好多上司同事客戶，有香港人有外國人，我都係用呢個名，到咗有一日終於有外國朋友忍唔住同我講你知唔知lofai呢個發音係好似Lofi。一聽個名就諗起Lofi music。咁我就話我都唔知係咩嚟嘅，完全get唔到個point。查一查先….哦，原來係一種音樂嘅風格。」文中提及，Lo-fi（Low Fidelity）音樂是一種音樂類型和風格，特徵是故意保留錄音中的「瑕疵」，例如背景雜音、模糊嘅音效、簡約嘅旋律，營造出一種懷舊、放鬆、甚至有啲「宅宅」嘅氛圍。魯庭暉續寫：「15年。多謝上司，不斷俾唔同機會呢個瑕疵進步。多謝同事、客戶、合作夥伴，冇佢哋嘅努力同支持，所有美好嘅嘢都唔會出現。多謝觀眾聽眾粉絲用戶，俾到一個我同同事努力嘅原因。多謝台前多謝幕後。講到呢度，我覺得自己好似平時上台嗰啲歌手咁，一輪嘴講一串多謝說話。我成日喺台下度諗，頂你哋班友係咪被迫講㗎。到今日，我得到一個結論：其實多謝嘅說話，點講，都講唔出多謝嘅心情。『多謝公司』呢四個字係代表緊，多謝好多人。呢一班人，叫結伴。」最後，魯生用上鄭欣宜歌曲《先哭為敬》幾句歌詞「是這些結伴讓我擁有過豐盛 以我沾濕的眼睛對美好光景致敬」來表達自己心情。