《中年好聲音3》冠軍黃博今日（4日）出席《萬眾同心公益金》記者會。（娛樂組攝）
《中年好聲音3》冠軍黃博今日（4日）出席《萬眾同心公益金》記者會，她接受《am730》訪問表示：「我可以同吉吉師兄同埋古淖文師兄一齊合唱，Johnny Yim老師幫我哋編曲，希望呈現最好嘅舞台俾觀眾。」她率先分享今次表演的創作內容：「會唱串燒歌曲，男女合唱其實有啲唔同Key嘅差異，最開始兩位師兄覺得我比較怕羞少少，希望可以令到我更加放。」
黃博預告即將推出新歌回饋樂迷。（娛樂組攝）
預告即將推出新歌回饋樂迷
被問到最近的工作安排，黃博興奮分享：「最近準備緊我自己嘅新歌，錄音基本上已經完咗，而家準備緊MV嘅拍攝。」她指新歌並不是劇集歌曲。講到是否有向公司提出希望能夠演出劇集，她表示：「其實公司為我安排嘅行程同工作係非常好嘅，亦都可以發揮到我嘅潛能，如果同公司傾假如未來有演戲嘅工作，我都願意嘗試。」
黃博率先分享《萬眾同心公益金》表演內容。（娛樂組攝）
有望六月尾舉行Fans meeting
提到較早前接受訪問指當年參加內地綜藝節目的《快樂女聲》曾被指外型和造型不合乎要求，她說：「當時10幾歲面對評判其實係有啲挫敗感，我覺得當時嘅自己未夠而家嘅心態咁成熟。」她特別感謝公司團隊對於服裝方面給予很大的協助，令她建立更好的外型和形象。被問到最近是否對於衣服穿搭比較講究，她說：「我覺得係衫嘅配搭，我自己都可以再做好啲，其實有陣時除咗舞台嘅表演之外，好似記者會都需要唔同嘅衫，我希望自己未來都可以襯衫，唔同嘅場合都比較得體啲。」至於最近狀態顯瘦，她坦言：「我冇特登減肥嘅，希望自己可以食得健康啲，養成一個生活嘅習慣，食多啲蛋白質同蔬菜。」談及未來是否會大搞旅行團見面會活動與Fans互動，她說：「好多Fans問我幾時搞Fans meeting，我有可能六月尾搞一個Fans meeting，比賽咁耐都未搞過，我都想同多啲Fans見面交流，假如有旅行團都想同Fans一齊出行。」
立即更新/下載AM730手機APP 體驗升級功能
