《50/50》MV由子華同Kay對鏡無言說故事。
謝安琪(Kay)籌製兩年的新歌《50/50》終於面世，林家謙作曲、編曲和監製，方皓玟填詞，強勁組合為歌曲帶出人生抉擇的訊息。MV更請來黃子華擔任主角，Kay與子華神首次合作，MV全程零對白，憑眼神與內心情感，呈現一場自我對話的內心獨白。
子華神表示，拍戲都未必有今次拍MV籌備咁多。尤其今次無對白靠表情做戲。
對Kay來說，今次MV絕對是演技考試。
真實經歷
《50/50》MV的Kay與子華分別面對鏡中的自己，Kay透露靈感源自真實經歷。「每次陷入迷茫，我習慣對住鏡同自己對話，幫自己打氣。」對於子華，Kay就想到以妙語如珠來說：「我知道導演嘅構思，即時嘩一聲。好想睇子華演繹。大家都好愛佢嘅妙語如珠，但今次MV唔講嘢，只用眼神、表情，好吸引。」
子華同張繼聰熟加上尊重阿嫂，所以一口答應拍MV。
大嫂respect症
Kay表示打電話給子華邀拍MV，估不到他一口答應。更幽默回應：「我同張繼聰好熟，我呢類人有種叫『大嫂respect症』。阿嫂半夜打俾我，我當然係『Yes, 阿嫂。』」
甚少拍MV的子華表示，未試過拍攝前準備咁多。「我有時拍一套戲，都未必需要準備咁多。正如Kay講，呢首歌好多情緒喺裡面，係面對難關嘅一種狀態。我拍前一晚食完飯後，就無同家人講過嘢。因為我要開始進入一種狀態去拍MV。」
《50/50》是一首「人生課題」。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
