黃宗澤去年回巢TVB拍攝《法證先鋒V》，不過被指戲份少，播出時亦未有太大迴響。不過，黃宗澤劇接劇，不但於拍攝《法證先鋒V》期間出演電影《紥職2》，又緊接拍攝《叠影狙擊》，產量相當多。其實黃宗澤近年積極開拓內地市場，不但開設內地社交平台與內地粉絲互動，更接拍內地網劇《妙手》，不過就被網民嘲笑係咪缺錢先拍呢類狗血劇，又曾試過自拍放上抖音，被指頭髮極油，散發出陣陣大叔味。
網民批海報設計老土
《妙手》已於1月5日於優酷網開播，有網民早前睇到海報表示設計既老土，寫著「你的心跳，我來守護」，製圖P得太誇張，又指黃宗澤淪落到如此地步係咪因為要賺錢出糧畀香港餐廳嘅員工，認為黃宗澤發霉程度與梁競徽（原名梁烈唯）有得揮：「黃宗澤是缺錢了麼？」、「為什麼會接這樣粗制濫造的謀戰劇啊」、「是不是P得特別失真！」、「賺錢而已」、「感覺這兩年拍劇多了，是因為要養員工」等等。有心水清嘅網民認為「有活就幹」係TVB傳統，黃宗澤感該係抱住打工仔心態，有工作就接，不過就有網民笑言覺得黃宗澤情願拍攝呢類狗血劇，都唔想與蔡思貝飾演CP情侶。
