黃洛妍今日（18日）出席個人演唱會《2025.7 遇妍》記者會。（娛樂組攝）
《聲夢傳奇2》亞軍黃洛妍(Janees) 將於7月舉行首次個人演唱會《預妍》，Janees今日（18日）出席演唱會記者會，樂易玲(樂小姐)亦有現身記者會撐場。Janees接受訪問興奮表示：「呢個機會好難得，同埋真係我一生人之中冇諗過。好開心會擁有自己嘅單曲《我們都是藝術品》同埋演唱會。」被問到最想在演唱會呈現甚麼環節，她表示：「其實有好多嘢想呈現俾大家，我哋嘅演唱會有限制，希望唱一啲一路未有機會唱俾大家聽嘅歌，同埋啲人強烈我一定要拉琴。」
黃洛妍獲樂小姐現身記者會撐場。（娛樂組攝）
忙於籌備個人騷自爆失眠
提到當得悉能夠舉行演唱會時的心情，她坦言：「嗰一晚冇喊，我最近都有少少失眠，唔知道係咪因為太興奮定係純粹天氣熱咗？」至於演唱會的衣服方面是否會考慮性感上陣，她說：「其實我真係唔知道着咩衫，但係我真係冇所謂所，我覺得外型其實可以好百變。大家對於藝術品嘅睇法其實都唔一樣，我會好接受唔同嘅造型。」她透露會為了演唱會維持最佳的狀態，注意飲食和健康。被問到會否邀請好友麥美恩擔任演唱會嘉賓，她笑言：「睇吓佢嗌得夠唔夠大聲，我每一次見到佢都覺得佢係一個好開心同好開朗嘅女仔，其實嗌得好大聲真係一個挑戰。」
