2025-08-26 20:30:00

黃浩然50歲生日獲兒子送「吉盒」禮物被取笑攬住周家怡隻腳喊

黃浩然與劇集《翻盤下半場》的老婆周家怡、林保怡今日出席常霖法師的茶聚活動，黃浩然自言像《翻盤》的角色仇強相似，同是緊張大師，藉「心呼吸大使」周家怡認識常霖法師學習燒陶瓷、打坐和「觀呼吸」，昨日(25日)剛踏入50歲，他笑言跟3位阿媽包括太太、母親和外母，以及兩位兒子食飯慶祝，被問到收到兒子甚麼禮物時，他冧爆分享，「佢哋訂咗一部平板電腦俾我，但未送到貨，佢哋自己手製咗個盒，就扮係電腦個盒，買咗部機的機套擺喺度，就話「on it's way」開心，畫啲卡俾我。」他又表示兒子都有追看他的新劇，「睇到我飲醉咗，攬住周家怡隻腳喊，佢哋就笑囉，有乜幾可見到我咁癲。」

演音樂劇靠「心呼吸」定驚
常霖法師有感香港人壓力大，希望可推廣打坐和觀呼吸，故邀請藝人嘉賓作榜樣，他笑言，「周家怡係心呼吸大使，佢就邀請咗幾個老公過嚟！」除了黃浩然，曾在《瑪嘉烈與大衛系列- 綠豆》演情侶的林保怡也有出席。問到常霖法師可有煩惱時，他直言，「其實我有，但嗰種煩惱係一般人覺得，在我來講係未解決嘅事。例如我都有脾氣，但一出席就好快釋放，依家係自然地釋放，唔使同自己講『嬲人係懲罰自己」」他分享心得，當遇情緒時，只要停一停，花幾秒感受呼吸就可化解，黃浩然深表認同，他表示早前參演《三·八》音樂劇，首次演舞台劇又要唱歌跳舞，心情非常緊張，「從排練到表演，心呼吸都令我整個人放鬆下來。」他搞笑表示，事後才知道太太早已跟大師學習陶瓷，連兩個小朋友都學習了禪修，獲大師讚是最勤力學生。