黃淑蔓早前捲入「W姓大胸女歌手」風波，她本人已否認曾做小三。
24歲的黃淑蔓（Feanna）入行10年，2015年以14歲之齡出道，並奪得叱咤樂壇流行榜頒獎典禮「叱咤樂壇生力軍」。早前網上熱話「W姓大胸女歌手做小三」事件，黃淑蔓一度成為頭號嫌疑人物，不過她之後已經否認W姓大胸女歌手。
近日，黃淑蔓更新社交網Threads，並貼出照片自爆疑似被陌生男人非禮，她表示在現場求救可惜沒有人幫忙。事件在社交網上公開後，有網民表示亦曾受同一名男子侵犯，疑似是非禮慣犯！
觸碰膊頭大髀
黃淑蔓於網上大爆疑被非禮經過，並寫：「喺tst行行吓，突然之間俾人撞咗下，膊頭同大髀都俾人hi咗，第一下反應唔切，淨係覺得好驚，呢個人撞完我之後即刻瞄住前面另一個女仔想撞埋去，我實在係太驚啦當刻，自己一個人唔知應該點做好，所以我決定遠離，最唔開心嘅係我停咗喺度望我後面經過嘅人求救，竟然冇人理我，各位女生行街嘅時候要小心，我今日已經係長袖衫長牛仔褲帶住頂帽帶住個口罩，真係好無助。」出po後，Feanna收到不少網民表示亦遇過同一色狼，她更留言多謝大家好多好溫暖的message。
