黃麗梅做TVB《流行都市》嘉賓 與姚嘉妮安德尊同場 網民︰亞視嚟嘅
前亞視藝人黃麗梅（May姐）因主持《中國八大名菜》、《覓食新煮意》等飲食節目深入民心，當年佢喺節目試食時爆出金句「雞有雞味，魚有魚味」，令May姐多年來成為網民恥笑對象。
首次現身TVB做嘉賓嘅黃麗梅，加上主持嘅姚嘉妮同安德尊，有網民望到畫面之後都話「亞視嚟嘅？！」
日前TVB午間節目《流行都市》訪問首次現身TVB做嘉賓嘅黃麗梅，加上主持嘅姚嘉妮同安德尊，有網民望到畫面之後都引用張家輝嘅經典對白「亞視嚟嘅？！」。
黃麗梅曾在菲律賓拍攝節目，透露當年有陀槍的秘密警察隨行。（YouTube@《快拍.曼鏡頭》節目截圖）
黃麗梅過去十年開過點心店、雲吞麵店等食肆
談及近況，黃麗梅話過去十年冇喺幕前出現，期間開過點心店、雲吞麵店等食肆，但由於太辛苦而放盤。後來May姐因為媽媽生病，於是有4、5年要照顧家人。而近期May姐就學緊花藝，日日返學，仲讀咗好多證書，但係為咗唔俾認出，所以上堂都要帶住口罩。訪問中黃麗梅當然有講下「雞有雞味，魚有魚味」嘅由來。
除此之外，黃麗梅透露早前為廚藝比賽做評審，但任務相當艱巨，因為有72個國家嘅代表團隊參賽，每隊整三個菜式，即係要試216道菜，由早上7點半食到夜晚6點！以為名廚出手就有好嘢食？May姐指比賽規定參賽者要使用罐頭鮑魚、雞同石斑三種食材，結果來來去去都係食呢啲。黃麗梅笑稱「頂唔順」，試咗百幾個菜式之後，去到後段要搵主辦方幫手試味。雖然唔可以食晒全部作品，但黃麗梅話有佢一套評針準則，「國內有啲廚師切好多青瓜紅蘿蔔，得個擺又唔食得。喺我嘅餐飲理念，你擺得上嚟要全部食得，（伴碟菜）冇汁冇盛梗係唔合格啦」。
原文刊登於 Yahoo 娛樂圈
ADVERTISEMENT
😋請你嘆香港迪士尼20周年下午茶👇立即登記👇
