黎展峯表示因為開騷去健身，現時亦有keep住成果。(娛樂組攝)
黎展峯(Andy)一連兩日出席慈善活動，繼《星光熠熠耀保良》之後，再出席新城廣播主辦的《樂動新城．慈善運音會》。Andy參與「男子100米飛人」及「4X100接力賽」，他表示很感謝粉絲冒住炎熱天氣入場支持，自己亦會出力為慈善，自己對接力賽的信心最大，有望奪三甲，而個人賽事上就有感自己的速度不夠快，志在參與。不過，Andy最後贏得「4X100接力賽」冠軍。
談到他早前收到100包印尼撈麵，他大感開心，但自己不敢獨吃，與家人分享。他稱為了保持身形，只好忍口，很感謝粉絲的愛錫，知道他最愛這款食物，於是買來送給他。他稱為了答謝粉絲的支持，自己即將會推出新歌，「我一早諗好，雖然唔係出道好長時間，但都想多謝佢哋呢幾年支持，係一個小小回禮。」
《星光熠熠耀保良》場刊印錯黎展峯成黎展望。(網上圖片)
談到他在《星光熠熠耀保良》演出時，電視螢幕彈出他的粉絲名字，而且也有不少粉絲入場，然而大會的場刊竟然印錯名，把「黎展峯」變成「黎展望」。有粉絲對此大感不滿，認為大會求其、欠缺尊重，Andy說︰「我好感恩大家有留意呢樣嘢，粉絲佢哋真係好有心、好錫我，佢哋捐款入場支持我，之後見到有啲唔開心，於是幫手聲援。我角度係唔同人都有做錯嘅時候，真係可能咁啱個名㩒錯又唔一定，但我會未來會更加努力，等大家認識我，可能大家暫時未必太認識『黎展峯』，但日後打到「黎展」會出個「峯」字，我會盡力令人記得。真係好多謝粉絲咁錫我，辛苦晒佢哋，希望佢哋唔好咁耿耿於懷，嚟近會有更加多好嘢發生。」
黎展峯預告會出歌多謝粉絲。
ADVERTISEMENT
😋請你嘆香港迪士尼20周年下午茶👇立即登記👇
