江嘉敏、黎燕珊和蔡康年等，昨早出席百萬行慈善步行活動，3人更指不知為何TVB今年沒有派風褸識別，他們只知想為慈善出力。江嘉敏指，因拍劇太忙，不清楚馮盈盈的戀愛狀況，所以不敢介紹男友給對方；而黎燕珊因角色受歡迎，喜悅感仍在，期望盡快有新劇拍。
江嘉敏透露，「每次開工拍劇都會病，今次開劇都唔例外，發燒咗幾日啦，雖然有食男朋友買嘅成藥，不過最後都係要睇醫生，花咗六百幾蚊醫藥費，拎到嘅藥竟然同男友買給我嘅一樣。」令她哭笑不得。江嘉敏又指，因自己工作忙碌，不知失戀後的馮盈盈狀況，還笑說：「未知會唔會介紹男仔佢識，抱隨緣心態啦。」江嘉敏好像知道馮盈盈嗰頭話分手，隔兩日就和前男友到嘉年華遊玩。
蔡康年唔知為乜得罪邱芷微
黎燕珊於劇集《多功能老婆》中的角色大受歡迎，令她開心不已，還說：「劇集雖然已經播完，不過喜悅感至今還在，希望監製們一劇接一劇咁搵我演啦。」另外，蔡康年早前跟邱芷微合作司儀活動後，被對方在網上指責，蔡康年指：「當晚活動老闆大讚我做得好同好信任我，唔知點解會有呢啲誤會，至於將來會唔會再合作，呢個唔到我選擇。」蔡康年稱，事件沒影響他的工作和形象。
珊姐拍劇拍上癮，望監製找她演出。
蔡康年稱，不知為何邱芷微會指責他。