Winkie與紅酒KOL May May走訪香港食肆。
黎美言(Winkie@Hotcha)日前與紅酒KOL May拍攝網片，走訪香港隱世食店，了解受疫情打擊的餐飲業近況。Winkie坦言疫情下開工會緊張，但全程戴上口罩做足保護：「話唔驚就假嘅，但保護功夫都做到足嘅，好似都袋住啲清潔用品咁，保持個人衛生囉！雖然會有啲擔心，但呢個係我過年後嘅第一個工作，所以都叫有個好開始，跟住KOL May May去拜訪啲食店老闆，學吓點做生意偷吓師。」
開辦跳舞學校的Winkie，明白做老闆的苦況。
學食店老闆逆市求生
Winkie稱，自己開辦跳舞學校多年都穩賺，直指生意不俗想再發展：「因為大家都記得我跳舞學校出身，所以都好信我哋嘅課程，但依家就係去到樽頸位，要學吓點樣管理人手，今次訪問嘅食店老闆，個個都身經百戰，要學吓人地點樣做生意。」
Winkie笑言新年剛過去，疫情下不用拜年，因此沒有被親友逼婚，她指早前於社交網站重貼工作婚照，引起朋友關注：「朋友問我係咪宣傳婚訊？又話太遲生BB會有難度，搞到我都要諗吓係咪要雪卵！(依家不設防準備生小朋友？)唔識答添……總之順期自然囉。」
Winkie虛心向每位受訪者學習。