《年少日記》導演卓亦謙父大有來頭　原來係政務司副司長卓永興｜Ray Online

第60屆台灣金馬獎今晚就揭曉喇，港產片當然有份角逐唔同獎項！香港嘅新晉導演卓亦謙，噚日就率先憑佢部戲《年少日記》，拎咗「觀眾票選最佳影片」，唔止佢叻仔㗎，佢爸爸原來都大有來頭，原來卓導嘅爸爸就係政務司副司長卓永興。

卓永興：希望兒子繼續努力

卓永興日前透過新聞秘書同傳媒確認呢個事實，仲話「作為父母，兒子有自己喜愛的工作，我十分高興。希望他繼續努力，活出自己的一片天」。真係非常暖心！

《年少日記》係講有關學童自殺問題，而近月出現多宗學生自殺個案，特首李家超亦有指示卓永興去處理學童自殺問題，亦都有敦促勞福局、教育局同醫衛局配合。