Ad Block Ad Block
本地
2020-10-08 10:45:00

【意識不良?】西九龍中心外牆廣告 令淑梅姐嚇一跳

分享:
有深水埗區議員要求西九龍中心外牆廣告下架。(網上圖片)

有深水埗區議員要求西九龍中心外牆廣告下架。(網上圖片)

資深傳媒人車淑梅昨日在Facebook發文,內文只有三個字,就係「嚇一跳…………」,究竟乜嘢令到淑梅姐嚇一跳呢,原來係一個商場的外牆廣告。

淑梅姐喺個帖度po埋一張相,明眼人一睇就知道係西九龍中心外牆,唔少網民留言,有網民話:「可能佢想表達吓青春活力,年青一代…大家用平常心」但亦有網民不以為然,認為「教壞小朋友」,更有人認為「外牆廣告要送檢,否則禍害無窮」。

淑梅姐同網民都有互動,佢仲叫大家都可以表達觀感。而另一邊廂,民建聯深水埗區議員劉佩玉就話,接獲大量家長投訴,指子女睇到該廣告後感到不安,加上西九龍中心附近有不少學校,擔心廣告發放出來的訊息會為學生帶來不良影響,所以今日會去西九龍中心請願,要求將廣告下架。

請接受以下私隱政策及免責聲明,以示你同意am730內之私隱政策及免責聲明。了解更多
接受