一名港男不慎將iPhone放在私家車尾翼上，隨後駕車由屯門經屯門公路前往葵涌，當抵達時才發現iPhone不知所終，於是用另一部手機致電尋機，才發現iPhone留在尾翼原位，慶幸「行晒成條屯公都冇跌…」，並上載車Cam片段作證。(Threads)
一名港男日前在社交平台分享，指自己不慎將iPhone放在私家車尾翼上，隨後駕車由屯門經屯門公路前往葵涌，當抵達時才發現iPhone不知所終，於是用另一部手機致電尋機，才發現iPhone留在尾翼原位，慶幸「行晒成條屯公都冇跌…」，並上載車Cam片段作證。
事主早前在Threads發文交代事件，指自己於5月19日下午5時許由屯門出發，駛經屯門公路前往葵涌。抵達後欲使用iPhone時，才發現「電話唔喺車入面」，於是改用另一部手機致電尋找，結果聽到車尾傳出震動聲。他這時才想起開車前曾用iPhone聯絡客人，隨手將電話放在尾翼上，未料行完整條屯門公路，手機安然無恙。事主笑言「今次真係要感恩…有尾翼嘅車真係好重要」。
「龍翔道你就無左喇師兄」
事主上載車Cam片段證實事件，隨即引來網民熱議，大讚事主駕駛技術穩定，甚至可為手機或車尾翼品牌宣傳。有網民指「證明你手車穩呀，不過如果唔係膠膠地質地既電話殼應該一早跣走左，都要慶幸你識買電話殼」，事主回應「$8救左我」，另有網民笑稱「防滑電話套記一功」、「手機殼廣告？」、「Ching手車定，冇頭搖又尾擺」、「試吓住黃大仙，龍翔道200米已跌」、「龍翔道你就無左喇師兄」、「我試過放部iPad喺車頂，喺啲小路度行咗10分鐘之後落車先見到，我都覺得好神奇，你呢單真係真心勁。」
立即更新/下載AM730手機APP 體驗升級功能
