林太在競選小冊子簽名。
【選戰專訪】房屋問題一向是政府的「重中之重」，亦是特首候選人林鄭月娥政綱的主打議題之一，其中亮點為「港人首置上車盤」，林太昨接受本報專訪時透露，可考慮撥出1至2幅私樓地，供發展商以混合發展模式推行有關計劃。另外，林太自評前晚電視辯論的表現，自言是「漸入佳境」，她並為「辭職論」解畫，強調其言論並非指民望或支持度，而是一旦有不能預見的事情發生，而主流意見與擔任特首職務有衝突時才會辭職。採訪：馮振超、鄭秀韻 攝影：黃文山、鍾式明、林俊源
林太在政綱中申明居住問題是新一屆政府施政重點之一，她在訪問中表示，一旦當選，會馬上展開籌措工作，包括籌備班底及落實政綱的建議，「市民希望政府馬上解決嘅問題，一定係房屋」，因此，房屋問題要「即刻做」，她並鎖定「港人首置上車盤」及「居屋出租試驗計劃」為兩個具體可盡快處理項目。她表示，留意到發展局長早前指新一年度私人房屋土地供應較好，「有2萬個單位，如果係咁，係咪可以攞1、2幅私樓地，試試做『港人首置上車盤』？」她進一步解說，「『港人首置上車盤』未必需要全部俾房委會做，係咪可以利用私人市場嘅效率同能力嚟幫手起？」
她指十多年前亦曾有類似做法，政府批地予私人發展商作資助及私樓混合式發展，「今次係咪可以咁，政府賣地，但地皮要較大規模，你(發展商)嚟買地，請你起自己單位，亦起『首置上車盤』。」
至於容許未補地價的25萬個居屋單位透過社企出租的試驗計劃，林太指有關計劃可能涉及需修改法例，需研究相關法例問題，「(落實)時間唔係我可以完全控制得到」，但強調希望在選舉後立即展開相關準備工作。
電視辯論 自評漸入佳境
另外，3位候選人前晚在7間電子傳媒合辦的辯論針鋒相對，林太自評當晚的表現是漸入佳境，「開始時唔係好習慣呢種方法，因最初講政治議題比較具爭議性，到經濟同民生，比較係我好擅長方面……」她在辯論期間亦間中展現幽默一面，她自言，「其實我本性都係有幽默感同埋幾好玩嘅人」。
對於與昔日同僚、現為對手的曾俊華在論壇經常出現唇槍舌劍場面，林太辯解，「其實唔需要咁激烈嘅」，但她指主要是配合他人要求，「有人話7台聯播節目好多人睇，想好睇啲就要多啲火花，如果我只係平鋪直敘講吓政綱，而唔係插吓口去講吓，『喂，你以前係咁樣咁樣㗎噃』，就冇咁好睇囉，所以我考慮咗主辦機構需要，做多啲反駁式言語。」她亦評論曾俊華在論壇的表現，「大家有目共睹啦，如果有人話都係展示咗佢幽默，咁就係囉，但我覺得有啲地方，其實佢掌握內容可能唔係咁足夠。」
林太在論壇上的「辭職論」成為輿論焦點，她為此解畫，強調並非事前早有準備，「亦唔係特別有咩金句拋出或有咩soundbite」，而是回應現場觀眾問及是否信任香港人，「我當時演繹嘅唔係講緊呢場選舉、唔係講緊候選人嘅民望或受支持程度，係講緊七百幾萬市民對於已經在位嘅行政長官嘅期望，所以我話我係百分之百信任香港人，呢個係從心出發……」她續說，「但有啲不能預見嘅情況，當市民好主流意見，我作為行政長官，礙於某種原因我不能夠認同或接受，我話會辭職。」
「主流意見」定義 難以一把尺量度
至於如何界定「主流意見」，或是否以上街人數多寡作為準則，她坦言，「主流意見好難以一把尺去度，因為今日係咪話百分之五十一就係主流意見呢？」但她說，「如果有事發生時，大家會感覺得到呢個就係社會主流意見，以往亦有問責官員為此請辭，所以我覺得唔需要以數字式去定義。」
她昨出席競選活動時說，對於有傳媒將主流意見演繹為民望高低，她覺得有點「兒戲」，強調不論作為司長和特首，都不能輕言辭職，否則不是有承擔的人。
林太在訪問中亦提及中港矛盾與「港獨」風波，她指特首要擔當重要橋樑角色，向中央全面反映港人意見，並將中央對香港政策向港人清楚解說，她認為，「所謂社會撕裂、社會紛爭，唔係獨沽一味係政治，有好多其他因素。」她以香港與內地矛盾為例說，近年大量內地遊客來港本是好事，但因香港容量不足，「商場又唔夠、貨品又唔夠，樓又炒貴咗，市民覺得咁大量內地人嚟香港，影響緊我自己生活，於是開始有反感情緒。」她認為政府應研究如何增加容量，或在入境及遊客政策作短暫調校，「疏導一啲可能引致有矛盾、有紛爭出現，係政府需要做嘅嘢。」
冀聚焦新班子解決社會問題
今年是香港回歸20周年，被問及有否擔心「七一」出現大規模遊行風險時，林太說，「近年話俾我哋聽呢樣嘢都無可避免」，她希望今次選舉後，「大家都會定番啲落嚟」，聚焦特首領導的新班子，未來5年為社會解決種種經濟、民生方面議題。(相關專訪見A2)
立即更新/下載AM730手機APP 體驗升級功能
