沙田驚現跟蹤狂（Threads影片截圖）
無論男女均需小心個人安全，一名男子近日在沙田新城市廣場如廁，之後被一名年輕男子跟蹤，當面對質時發覺對方竟然無拉褲鏈，呼籲大家小心這類跟蹤狂。
事主在網上發文，指前日（3月11日）晚上約8時35分，他到沙田新城市廣場如廁，「入去之前已經有條友企咗喺門口，唔知喺度望乜，咁啱同佢eye-contact（眼神接觸）。我都無諗咁多，諗住正正常常去完就走。點知條友行X咗入嚟不停望住我，又唔係去洗手間，喺度洗手。」
男子一直尾離開商場
當事主離開洗手間，該男子一直尾隨離開新城市廣場。事主心感不妙加快行，「我就專登冇上車，行咗去有人嘅地方坐低 ，睇佢係唔係真係跟蹤我。ONX佢條仆街直接當住我面行過嚟，坐埋喺我隔離望X住我。嗰時我都冇理佢，點知佢直接起身，行去我面前企喺度望我。我先直接問佢『跟住我做乜，係咪有X病』，佢先話我似佢個frd（朋友），話認錯就向後走。」
其後事主才記得拿出手機拍片，事後看片後發現對方無拉褲鏈。事主表示作為男性，無想過這種事會發生在他身上。他形容對方年約20、30歲。雖然無拍到對方的樣貌，事主仍然呼籲大家小心街上有變態跟蹤狂。
ADVERTISEMENT
請你去迪士尼樂園玩！登記攞飛！
