車Cam直擊，西九龍公路的士切線撞低鐵騎士，網民：直情攞佢命。(FB/車cam L (香港群組))
西九龍公路發生一宗涉及電單車的交通意外。今日(3日)上午11時許，一輛電單車於西九龍公路往尖沙咀方向行駛，駛近南昌公園對開與一輛的士相撞，再波及一輛私家車，25歲男鐵騎士倒地手腳受傷，送廣華醫院治理。
警方表示，今日上午11時18分，25歲姓蔡男子駕駛電單車於西九龍公路往尖沙咀方向，沿二線行駛，私家車行駛三線，62歲姓蔡男子駕駛的士行一線，其間的士擬切往二線，與電單車相撞，電單車再撞私家車，意外中電單車司機手腳受傷清醒送院治理。
網民：直接交片俾警方
網上車Cam顯示，的士行左一線，電單車及私家車分別行左二線及三線，的士突然切往二線，直撞行駛中的電單車，鐵騎士當場倒地，電單車倒下後波及三線的私家車，再反彈至二線，停在的士旁邊，而鐵騎士則飛彈路面，幸沒有遭其他車輾過。路面遺下一盒外賣。樓主留言「受傷鐵騎士可聯絡他取車CAM影片」，但不少網民建議他「直接交片俾警方」，並指責的士司機切線不顧路面情況，「睇緊電話接單呀？」、「完全冇X睇，又係掛住㩒手機接order鍾意點行就點行」、「深仇大恨，直情要攞佢命！」、「真係差啲無命、謀殺，如果快線後車收唔到，真係成個人碌過都似」。
ADVERTISEMENT
請你去迪士尼樂園玩！登記攞飛！
