黃碧嬌(中間)缺席宏福苑聽證會，如常出席民建聯會員生日會
民建聯大埔區議員黃碧嬌捲入大埔宏福苑法團爭議，多名居民喺聽證會上指出，黃碧嬌曾經誘使居民填法團選舉授權票。黃碧嬌近日照樣出席民建聯大埔支部舉辦嘅生日會，見到佢露出燦爛嘅笑容。
黃碧嬌於生日會上敬酒
上星期四嘅聽證會，多名居民指控黃碧嬌干預居民喺法團選舉嘅投票意向，亦有居民形容黃碧嬌帶「黨羽」影響街坊。黃碧嬌並冇出席聽證會，而係喺同日出席民建聯大埔支部舉辦嘅「2026年1-4月會員生日會」。黃碧嬌喺生日會上面致辭同敬酒，仲同幾百名出席街坊會員影大合照。
