Hinson周五(8日)官宣最新去向，派「定心丸」稱會續留港鐵效力，「轉車」於新部門接受新挑戰，成為「全職鐵路人」。
在港鐵迪士尼站，用粵、普、英三語，兼帶著節奏唱出「Octopus keep left please」、「冇帶行李靠左入」的廣播爆紅、被稱為「港鐵Rapper」的車站助理Hinson，周日在社交媒體宣布，結束於2017年起長達9年的鐵路「臨時員工」生涯，引發網民猜測他是否要離開港鐵。Hinson周五(8日)官宣最新去向，派「定心丸」稱會續留港鐵效力，「轉車」於新部門接受新挑戰，成為「全職鐵路人」。
《am730》向港鐵查詢Hinson新職位為何，港鐵回覆稱不便就個別員工的聘用詳情作出評論，強調員工是港鐵的重要資產，任人唯才並一直與員工攜手共進，讓同事在職業生涯中盡展所長。
Hinson於社交平台發文稱，感謝每一位支持者的讚賞及祝福，「我完全冇諗過會有咁大嘅迴響！畢竟我同多數嘅乘客只有一面之緣，而我嘅工作亦唔係特別有難度」。對於外界關心其去向，他稱「自己都唔捨得同鐵路講再見」，故派「定心丸」公布留任港鐵，「多謝公司比咗我一個新機會，令我有機會轉車，喺新嘅部門，接受新嘅挑戰，將自己多年喺前線累積嘅經驗繼續貢獻」，他將成為「全職鐵路人」，雖然之後未必會再每日駐守前線「日見夜見」，惟於新崗位上，「會不時喺車站甚至意想不同嘅形式同大家載遇」，希望工作會繼續帶給大家一點點的正能量，祝福所有事情都會奔向未來更好嘅景象，「就好似列車會永遠向前開一樣」。
網民恭喜「努力終於被賞識」
有網民留言支持Hinson繼續加油，「恭喜你的努力終於被賞識」、「你做得俾人哋見到，再令到自己有新機會，真係成件事都好positive，祝新崗位工作順利同愉快」、「被人賞識調職係好事！」、「實至名歸呀！祝你係新崗位繼續keep住呢團火」。