一輛私家車沿柴灣新廈街到達與柴灣道交界的燈口，一名男童突然從路邊衝出馬路，幸司機及時將車煞停，同行的女子嚇至尖叫，並舉手向司機致歉(影片截圖)
社交平台流傳一條柴灣男童衝出馬路險捱撞的車Cam影片，顯示日期在周五（22日）下午3時51分，一輛私家車沿柴灣新廈街到達與柴灣道交界的燈口，當駛至近燈位前，當時燈號為綠燈，一名男童突然從路邊衝出馬路，幸司機及時將車煞停，未有將男童撞倒。與男童同行的女子嚇至尖叫，並舉手向司機致歉，隨後指罵男童「做咩嘢呀？紅燈嚟㗎！」。影片亦至此完結。
有網民睇片稱讚司機反應快，「好技術，救返一條人命」、「仲救番司機添，撞到人，司機點都冇得走」、「防禦式駕駛教科書」、「呢啲先係真正嘅反應快。要極留意路面情況先做到。目測估計係0.5秒之內，真功夫大師傅。」、「大人唔拖住小朋友，出事又賴人」、「小朋友唔懂事，過馬路一定要拖住小朋友」。
ADVERTISEMENT
【👇送3M靜電空氣濾網體驗包4包👇】
