土瓜灣一個十字路口出現驚險一幕，一名婦人險變「人肉三文治」。（fb「車cam L（香港群組）」截圖）
土瓜灣一個十字路口出現驚險一幕，一名婦人險變「人肉三文治」。
網上流傳一段車cam片段，根據片段日期顯示，事發於今日（2日）早上8時24分，當時一輛貨車正沿土瓜灣上鄉道左轉入九龍城道，而一名身穿黑色上衣、孭背囊的中年婦人，沿行人路邊鐵欄外圖過路，站於車身及欄杆之間，距離貨車不足一個身位，眼見貨車駛近，她惟有「企定」等候，與貨車非常貼近，險象環生，幸貨車司機察覺停下，並響咹警示；一名尾隨的司機見狀亦嚇至大叫「夾扁妳呀！」、「阿姐，妳一係褪後啦！」婦人抬頭望向貨車，聽到響咹聲後，才施然行前幾歲返回行人路邊，神情未見恐慌；後方司機又再指責：「好危險呀你企呢個位！」
影片流傳後引起熱議，網民紛紛留言，有人讚賞貨車司機觀察敏銳，「棍頭有經驗，邊轉邊望鏡，大師傅」、「貨車佬算係咁，又停低又響咹，如果唔係阿嬸已經死咗」；不少人指責該名婦人缺乏交通安全意識，「完全冇common sense（常識）」、「冇意識，未識死」、「土瓜灣橋底呢個位置係好癲，我揸私家車都盡量避開唔行，成條馬路放題咁樣」，「以前有人試過啦，就係咁死左。」
ADVERTISEMENT
