輕鐵天水圍天瑞站站台有一名男子多次伸腳，疑似意圖絆倒從他面前經過的路人(影片截圖)
社交平台早前流傳一段影片，顯示輕鐵天水圍天瑞站站台有一名男子多次伸腳，疑似意圖絆倒從他面前經過的路人。片中可見，一名身穿粉紅色上衣的女士及一名穿校服的女學生先後「中招」，險些跌倒，女學生一度回頭望男子腳部，惟未有作出回應。
影片引起網民熱議，大多斥責男子行為危險，亦有人促報警：「報警最好，直頭想謀殺， 一個唔覺要碌咗個路軌」、「有車到，kick到人跌倒，隨時骨牌效應，跌落路軌都有可能」、「驚佢有一日會推人落路軌」、「呢個動作可能已經構成普通襲擊罪」、「如果男人行佢咁kick法，被人一腳踢斷腳都似」、「好危險！如果佢kick我媽，我媽一定會跌，因為佢本身平衡有問題。嚟啲反社會人格嘅X街應該即時出聲XX佢」、「可能呢d人唔鍾意人地係佢面前打橫行過」、「佢可以同元朗踩腳姐battle」、「又唔係冇差別攻擊嘅，似係強迫症又有d反社會人格，只要有人經過嗰個位，就要人留低買路錢咁樣踢一下」。
ADVERTISEMENT
【👇送便攜式銀離子抗病毒空氣淨化機👇】
