陳文宜被點名評未進入角色
今屆立法會議員已經上任5個月，有報章政情專欄提到多位新丁都被指未進入角色，包括社福界議員陳文宜。陳文宜話過去呢段日子，同團隊冇一刻停落嚟，但承認過往未能及時同公眾以及傳媒溝通各項工作進度。
陳文宜喺Facebook發文回應，佢話留意到近日有媒體報道談及議員上任5個月嘅表現，佢同團隊認真檢討，並且主動諮詢咗多位社福界同工同前輩意見。佢話過去呢段日子冇一刻停落嚟，就多項重要嘅民生同社福議題，包括強制舉報虐兒條例、「兩蚊兩折」優惠調整、「Save Lily」事件等，都有持續發聲。
指有則改之，無則加勉
總結經驗之後，陳文宜承認有需要改善嘅地方。佢話過往專注於跟進政策推行同釐清細節，未能及時同公眾以及傳媒溝通各項工作進度，日後一定會加強訊息發布同溝通。陳文宜話：「有則改之，無則加勉」，多謝媒體嘅提醒，促使佢檢視溝通方式。
ADVERTISEMENT
【👇送便攜式銀離子抗病毒空氣淨化機👇】
