梁美芬捲入拉布疑雲
今屆其中一名最資深議員梁美芬捲入拉布疑雲，事關佢提出議員議案，但係需要中途離場，呼籲其他議員幫手踴躍發言，被質疑係另類拉布。
梁美芬噚日喺立法會大會提出「擘劃香港首份五年規劃，深化香港國際法律樞紐建設」議員議案。根據議員透露，梁美芬前一日同議員發訊息，預告第二日下晝需要去西環出席一個重要會議，要離開立法會大約1個鐘，「希望大家在美芬的議案積極發言，幫幫忙。拜托拜托」。
據了解梁美芬喺討論議案期間，再向一眾議員發訊息，話獲得同意只係參加下半場「重要會議」，話：「大家不用再一定發言了。發言議員都講得很好。可盡快投票」。
否認希望議員拖延時間
梁美芬事後向傳媒否認係希望同事幫佢拖時間，解釋話不嬲都歡迎大家就議案多發言。只係通常如果佢需要離開會議，都會通知議員，不過最終都冇出席有關嘅「重要會議」。
ADVERTISEMENT
【👇送便攜式銀離子抗病毒空氣淨化機👇】
