黑雨｜粉嶺花都廣場對出有樹木倒塌橫亙馬路，阻礙巴士行駛。兩名女子乘客自告奮勇撐雨傘下車，徒手合力將倒塌樹木移離行車線，令巴士繼續行程。(Threads)
天文台今日（18日）中午一度發出黑色暴雨警告信號，多區出現災情。粉嶺花都廣場對出有樹木倒塌橫亙馬路，阻礙巴士行駛。兩名女子乘客自告奮勇撐雨傘下車，徒手合力將倒塌樹木移離行車線，令巴士繼續行程。
事發影片由車上乘客拍攝，並上傳至社交平台Threads，帖文指「好人好事，黑雨期間有塌樹擋馬路中」，稱兩名女子「自告奮勇落車搬走，令行車得以暢通」 ，大讚「港女無敵」、「人間有愛」。
「港女真係好有行動力」
大批網民亦讚揚兩名女子「港女真係好有行動力！世一」、「兩位女士真係好堅，好人有好報」、「向呢2位女仕致以崇高敬意。多謝你。社會有你們2位真美好。」、「點解睇到呢個有啲想喊」，惟同時引發有人質疑「啲男人去咗邊？」、「除咗司機唔可以離開司機位，車上啲男人死晒？」、「我第一反應都係咁」、「女人能撐起半邊天，唔需要靠男人」，有人諷刺「男人應該睇緊電話/瞓緊覺」，惟亦有人打圓場，「成堆留言就係咁問男人喺邊。真係好想試下調返轉係兩個男人去搬嘅時候，睇下會唔會講啲女人去哂邊。btw 真·respect 兩位女士。」
對於車長未有下車加入清理，有網民指合理，「巴士嗰控制權要係司機到，如果司機落咗架車，邊嗰看住架車，就算熄火都有其他風險」、「巴士司機行車期間擅離座位炒魷魚都得」、「咁除咗落車開輪椅嗰塊板，同埋泊埋站後，正常又好少要落車嘅」。
ADVERTISEMENT
【👇送小米智能家品新品👇】
