律政司司長林定國。(周令知攝)
今屆政府仲有一年任期，政界開始「估領袖」。律政司司長林定國最近喺上任4周年訪問被問到未來會唔會爭取留任，甚至更上一層樓？佢回應：「大家都唔知聽日、後日發生咩事。同買六合彩冇乜分別」。
林定國話而家唯一想認真做好嘅，就係喺政府換屆前做好手上所有工作，唔會思考無謂嘅嘢。佢覺得思考呢啲問題冇意思，因為大家都唔知聽日、後日會發生咩事，自己喺呢刻冇充分理由做任何估計，形容同買六合彩冇乜分別。
林定國不評論任內表現
至於任內工作表現，林定國話應該交由其他人提供客觀評價，而唔係自己評價。佢笑言：「老鼠跌落天秤，唔好自己秤自己」，強調只係希望做好份工。
ADVERTISEMENT
【👇送小米智能家品新品👇】
