經民聯主席盧偉國與粵劇演員余仲欣成親
73歲嘅經民聯主席盧偉國星期日(11日)同相差40年嘅粵劇演員余仲欣成親。新娘子分享更多當日嘅美照，包括盧偉國向外父敬茶嘅相。
兩人婚宴合唱表達愛意
盧偉國同外父、著名馬評人余伯樂相識多年，由相片可見，外父當日都飲得杯落。新娘子喺社交網站發文，透露佢喺當日晚宴獻唱咗《La Vie en Rose》，並且同老公合唱《All I Ask of You》，以歌聲表達對彼此嘅愛意，亦同大家分享新婚喜悅。佢特別鳴謝盧偉國嘅堂妹，悉心為佢襯配珠寶首飾，令佢喺婚禮當日更添光彩。
新娘子承諾往後會同老公彼此扶持、珍惜生活、繼續以各自嘅專業所長回饋社會。佢就此多謝大家，令佢哋可以帶住滿滿嘅愛，展開人生新一章。
ADVERTISEMENT
