警務處前處長蕭澤頤曾經萌生辭職念頭
警務處前處長蕭澤頤服務警隊30幾年，上年退休，佢自爆曾經萌生辭職念頭。原來因為當年調任警民關係科，「冇得捉賊」而心情低落。
蕭澤頤噚日出席青少年發展企業聯盟活動，向在座青年分享佢多年前被調派警民關係科，一度因為冇得捉賊而想辭職。但係估唔到調職之後，令佢有更多機會走入社區，接觸年輕人，開啟咗另一道門。
勉勵青年捉緊機會
藉住自身經歷，蕭澤頤提醒青年喺職業仕途可能有好多不確定性。但係只要擴闊心態、勇敢面對，並且捉緊機會，喺任何崗位都可以發揮能力。
ADVERTISEMENT
