車Cam直擊︱啟德紅色Mini逆線行車 遭6巡邏警員「當場斷正」(@threads/andriy14)
網上有網民上載車Cam片段，可見正當車Cam車輛正於晴朗商場外的行人過路處前安全停下，讓多名長者及行動不便的街坊橫過馬路。此時，一輛紅色Mini從後駛至，司機疑未有察覺前方正有行人過路，一時心急竟猛然抽頭逆線駛出。然而，當時至少6名軍裝警員正巡經上址，目擊過程的3名警員隨即上前將車截停，並指示司機駛至路邊接受調查。
片段曝光後迅速引來網民熱議，不少人揶揄司機大意，紛紛留言笑指，「師兄，唔好咁癲啦」、「一次過有咁多人『招呼』佢，真係抵佢死」、「班馬線逆線行？好似危駕」、「禁(咁)多人招呼，抵俾640啦」。
