有4名疑似旅客在港鐵深水埗站月台內，將行李箱當作臨時餐桌「野餐」，公開席地開餐進食外賣飯盒(Threads)
社交平台近日流傳一張照片，有4名疑似旅客周日(11月1日)在港鐵深水埗站月台內，將行李箱當作臨時餐桌「野餐」，公開席地開餐進食外賣飯盒，引來網民熱議，批評行為違反《港鐵附例》。《am730》正向港鐵查詢事件。
照片可見拍攝者於列車內，拍得深水埗站月台4名男女當時坐地上，以大型行李箱為「餐桌」，享用外賣飯盒等，旁邊亦放置兩個大型行李箱。目擊者指現場散發濃烈食物氣味，拍卡入閘時亦曾見其他人在進食，「啲職員去曬邊？」，樓主稱因趕時間要走未有作出投訴，「大家都有自己嘅嘢做，如果呢啲都要我哋做埋，咁啲職員返工嘅意義喺邊。」
網民斥離譜「唔打埋邊爐？」
帖文引來網民斥行為離譜，留言「開埋枱，真係癲」、「永遠都可以喺你想像唔到嘅地方開飯」、「原來旅行篋都有呢個用途」、「唔打埋邊爐？」，亦有人分享曾見乘客「將嘢食放喺垃圾桶嗰度食」，「要通知識員嚟先得𠺢，我試過，立即有人嚟趕走佢哋」。
根據《港鐵附例》第27(b)條，任何人不得在已付車費區域內進食或企圖進食任何食物，或飲用任何飲品，違者最高罰款2,000元。若行為對其他乘客造成滋擾，亦可能違反第25條「乘客不得造成滋擾」，最高罰款5,000元。
