屯門友愛邨對出的皇珠路交匯處，一名中年男子於迴旋處內草地範圍當作個人高爾夫球場揮桿練波。(屯門友fb)
社交平台流傳影片，有市民坐車途經屯門友愛邨對出的皇珠路交匯處時，發現一名中年男子於迴旋處內草地範圍當作個人高爾夫球場。
影片可見，該名男子頭戴帽子、身穿藍色無袖上衣與短褲，草坪上預備了大量高爾夫球，他望向前方，及後調整姿勢進行揮桿動作。旁邊有港鐵地盤工程圍板，有工人正在工作。
大批網民討論熱議，有人批評在該地打高球會對行駛車輛構成風險，「打到啲車點算？」、「會唔會執番啲波？」、「無端端渣渣下車飛個波埋嚟打裂咗大銀幕，可能司機都唔知發生咩事」、「屯門有golf場又唔去，係高速公路玩替死咩」。亦有人諷刺「強者從不抱怨環境」、「人地享受人生」、「都真係幾chill......」、「咁樣先至練到最高境界呀」、「一桿打去友愛邨」。
街坊認出是「常客」
不過，有部分屯門街坊指出，該名男子是「常客」：「佢成日響度㗎，我見過幾次」、「係到打都最少有兩年」、「佢打咗好多年，唔明點解要喺呢度打，又嘈又多塵！」、「呢條友喺呢度打咗好多年，未有地盤已經喺度打」。
