有網民發帖及拍影片，指於尖沙咀星光大道觀景台位置，目測到有20隻以上老鼠，片段可見黑夜下有老鼠「聯群結隊」於地面、梯級、花叢遊走，引發熱議。([email protected])
尖沙咀星光大道入夜後變「老鼠大道」？今日(9日)凌晨，社交平台Threads有網民發帖及拍影片，指於星光大道觀景台位置，目測到有20隻以上老鼠，片段可見黑夜下有老鼠「聯群結隊」於地面、梯級、花叢遊走，引發熱議。
有網民留言指場面驚嚇，亦有人反映近日香港明顯多了老鼠出沒：「米奇大道」、「老鼠樂園 」、「真心癲，香港啲老鼠無處不在」、「其實區區都好嚴重」、「身為香港人都覺得嘔呀，遊客見到真係數臭香港」、「上個月係尖東站上路面行去等巴士，有個公園(?)好多人食煙嘅，佢哋隔離有隻貓咁大嘅老鼠爬上個花槽」、「花槽真係最多老鼠竇。」、「周圍都係迪士尼。」、「好離譜，餐廳食店又係咁，四圍都多咗好多老鼠，以前好似冇咁嚴重，食環究竟做緊咩？究竟係咪你哋負責。」、「全香港週圍都係老鼠，最恐怖係係食肆食食吓野突然間有隻老鼠跌落嚟」。
