智能手機依家體積愈來愈細，但形狀基本都係正正方方走唔甩，不過據《Popular Mechanics》報道，加拿大皇后大學研究員開發出一部圓筒式智能手機「Magic Scroll」──魔法捲軸。
魔法捲軸中心圓筒由3D列印而成，並由兩塊LG G Flex 2螢幕拼接成延展式7.5 寸觸控屏幕，用家可以使用機身右邊滾輪，控制屏幕上下移動。嫌屏幕太細，仲可以選擇「打開捲軸」攤平使用，要打電話時再捲起螢幕就得。圓筒狀設計比一般手機，更適合單手講電話。魔法捲軸配備1個鏡頭，可以靠手勢操控手機，類似任天堂Wii手掣。
不過魔法捲軸仲係初步設計階段，雖然係創新，但尚未具備令人覺得「非圓筒狀不可」嘅功能。科學家解釋，魔法捲軸係研究屏幕唔一定要係平嘅，任何物體都可以係屏幕，佢哋設想中魔法捲軸終極型態會更輕便細小、比如係捲成1支筆收入袋。
ADVERTISEMENT
激送Monchhichi維港海陸嘉年華入場券！
