2025-07-16 22:43:50

Ray Online｜「智識聽」實時字幕功能今立會推出梁君彥稱準確率達96%

隨着人工智能(AI)日漸普及，立法會也跟上潮流。立法會主席梁君彥話，隨住「智識聽」不斷優化，大家期待已久嘅實時字幕功能，今日(16日)嘅立法會大會上正式推出。公眾可以透過立法會網站嘅網上廣播、立法會流動應用程式，同埋立法會嘅YouTube頻道收看到附帶字幕嘅會議直播。

梁君彥話，今天特意觀察唔同嘅議員同官員發言時，直播畫面上顯示嘅字幕，發現到字幕非常精準，切實做到96%謄錄準確度。佢話，呢個「人機結合」嘅創科成果，有賴科大訊飛團隊過去數月努力不懈研發「智識聽」字幕系統，並對接立法會應用場景，以及立法會秘書處各部門嘅同事全力投入，共同「孕育」出這套AI系統，令佢茁壯成長。秘書處將會總結喺大會試行嘅經驗，適時把實時字幕服務擴展至委員會會議。

梁君彥又話，「智識聽」嘅成材之路絕不簡單，仍然會持續「栽培」，令它成為「周身刀，張張利」嘅議會好幫手。「智識聽」除了現有嘅謄錄、翻譯、轉寫同字幕功能外，未來可望推出更多為議員度身訂造嘅新功能，進一步令議會工作提速增效，也助力香港創科發展。