鄧家彪議辦被冒認向1823投訴，建議實行實名投訴
立法會議員身份不時被冒認，工聯會立法會議員鄧家彪透露佢嘅辦事處畀人冒認向政府「1823」一站式熱線投訴，佢建議實行實名投訴。
建議實行實名投訴
立法大會今日討論「1823」服務，鄧家彪分享親身經歷，曾經收到「1823」致電，話係回應「鄧家彪議員辦事處嘅投訴」。但佢以及同事都冇作出有關投訴，而係畀身份不明嘅市民冒認。鄧家彪建議政府將投訴功能同「智方便」融合，實行實名投訴，畀政府清楚知道投訴來源，防範動機不良嘅投訴。創新科技及工業局局長孫東回應話，「1823」唔係政府投訴嘅唯一途徑，喺「智方便」平台嘅部分服務都可能會轉嫁到「1823」嘅智能處理系統。
