在平安夜，該名司機再岀帖表示成功約到數名小朋友及其家長吃晚飯，並親手把聖誕禮物交予小朋友手上(Facebook 群組「大埔 TAI PO」)
大埔宏福苑上月發生五級火災造成161人死亡，不少災民流離失所。大埔一名九巴71K線車長於Facebook 群組「大埔 TAI PO」發文稱欲尋找數名往常乘搭其71K路線的幼稚園生，指他們自宏福苑大火後「你哋就冇再搭過我車」，雖然知道他們平安，但希望送上聖誕小禮物，其中一位幼稚園生的家長留言回應，稱「多謝司機哥哥」。
網民：近期大埔人嘅苦中一點甜
在平安夜，該名司機再岀帖表示成功約到數名小朋友及其家長吃晚飯，並親手把聖誕禮物交予小朋友手上，「好多謝各位大埔網友驚人嘅速度，琴晚即時約到呢班小朋友出嚟食晚飯！聖誕禮物成功親手交到小朋友手上，我地傾得好開心，玩得好開心。」他鳴謝水晶巴士免費借出讓他們安全送所有小朋友回家，最後表示，「祝願宏福苑所有災民早日走出傷痛，盡快適應新生活！」網民留言稱「So sweet!!」、「巴士哥哥真有心！祝你和小朋友聖誕快樂，全大埔街坊朋友聖誕快樂節快樂」、「成件事好感動，係近期大埔人嘅苦中一點甜，祝所有大埔人都聖誕快樂」。
該名巴士車長早前於facebook群組「大埔 TAI PO」發帖尋人稱，「我係71K巴士司機，想揾之前每日搭中午12：15分响大埔墟街市巴士站上車的幾位浸信會幼稚園上午班小朋友。」他指自上月宏福苑大火之後，「你哋就冇再搭過我車，我知道你哋係平安，就快聖誕節，想送份小禮物畀你哋，希望你哋父母睇到我呢個POST，歡迎pm我，多謝。」照片可見樓主送上五份附有心意卡、朱古力及糖果的聖誕樹外形小禮物包，貼紙印有「71K司機叔叔」。
車長的送暖行為亦令不少網民感動，留言道，「謝謝你的溫暖」、「人間有情」、「大埔人真係好有愛」、「KMB愛心車長」、「多謝車長，祝願小朋友同父母都有個平安嘅聖誕節」、「睇到個post，即刻眼濕濕」、「睇到都流眼淚。好有愛 好感動多謝你給香港正能量。」
亦有網民稱「我之前搭71K都見過啲小朋友上車落車都叫你同你打招呼！佢哋真係好可愛！謝謝車長！滿滿大埔人的愛」網民發幫忙，「已轉發浸信會幼稚園群組，希望佢哋見字pm你」，也有人建議「司機叔叔不如直接送去浸信會幼稚園，順便問候下小朋友近況」帖文最終成功引出一名家長留言，「我哋係佢講嘅其中1位小朋友嘅家長，聯絡中，多謝司機哥哥，多謝各位」。
ADVERTISEMENT
激送AIA Carnival友邦嘉年華門票連代幣
