@Threads/ striking_biking
大埔宏福苑發生五級火警。有消息指，宏昌閣外牆棚架首先起火，其後蔓延至宏泰閣及宏新閣等大廈。有網民於社交平台Threads上載多段影片，指宏昌閣地下外牆棚架首先起火，火勢沿外牆保護網及棚架燃燒，蔓延至整幢大樓宇，「由啱啱起火都燒成咁只係10分鐘內嘅事」。
第一段影片中，已見宏昌閣地下外牆棚架有零星火光，及後火勢愈燒愈猛烈；同時傳出「點解無警鐘呀！搞錯呀！無人㩒警鐘㗎！成幢大廈無警鐘，有冇搞錯呀！火燭呀！」的男子叫喊聲。而另一段影片見到，有大量起火竹枝從高處墮下，現場有人不停大叫：「走呀走呀！」，連附近大樹亦被燒焦。
發文網友覺得有需要整理重要嘅時間點
發文的網友表示，「火災變得咁嚴重仲出現傷亡，覺得有需要整理一下幾個重要嘅時間點拍到嘅片」，稱在下午2時51分和朋友喺元洲仔傾偈時聽到啲嘭嘭聲，一望過去發現火警，當時喺一樓棚架見到，「朋友當時即刻google地點名知道係宏昌閣馬上報警。」他又指，下午2時57分火蔓延至4樓，首批消防員到場，但同時火勢突然間蔓延上頂之後火勢蔓延得好快，消防員射水已經無能為力。
▼大埔宏福苑五級火▼
ADVERTISEMENT
👇登記👇請你食花燒肉四品一人套餐🤤
