李家超WFH停開行會，湯家驊指基於保密原則難視像進行。(資料圖片)
特首李家超於泰國外訪回港後確診新冠病毒，行政會議今日(22日)決定休會。行會成員湯家驊今在商台節目上表示，雖然法律上，沒有明文規定行會不能視像進行，惟行會沒有預先做防入侵措施，基於保密原則，難以視像進行。
他解釋，「一向個慣例，因為要保密嘅問題，同埋你無預先做一啲防人哋入侵嘅措施，你叫起(開會)上嚟，未必就可以做得到。我哋開會一直以嚟所有電話、iPad，都要鎖晒喺一個特別嘅櫃度先入去開得會，所以大家明白保密個要求係相當高。」
無法由司長署任開行會
湯家驊又稱，由於李家超目前是「在家工作」(Work From Home, WFH)的狀態，不是休假或是其他原因無法履職，所以不能由政務司司長署任主持行會，「咁嘅情況(確診)其實好多人都遇過，好多人都確診過，大部份人確診咗都冇無嘢，留喺屋企唔好出外感染其他人就得，所以唔駛攞病假。」
他又表示，反正今日行會沒有特別議程，而兩電加價議題亦不需要由行會作決定，本身雙方已有行之有效的機制處理，不涉政策方向上的變更，因此也不用特別開會。
