水上樂園日前有玩家跌了一個隱形胸圍，但工作人員尋找物主時無人認領。(Threads圖片)
炎炎夏日，海洋公園水上樂園最近都大受歡迎。有港女上月底入場嬉戲期間，發現場內有玩家懷疑不慎跌出俗稱隱形胸圍的肉色貼附式胸墊，工作人員隨即問「邊個跌咗」，但她指出「正路都唔會有人認啦」，最終隱形胸圍被貼在池邊牆上，直言當時「全場笑到傻左(咗)」。
網民讚職員「拎起嗰下相當勇敢」
有本港女生在社交平台發帖指，近日在水上樂園的「湧浪灣」享受期間，突然見到有工作人員手持一個隱形胸圍並問「邊個跌咗」，由於沒有人認領就只好貼在牆上，帖文吸引逾4,800個讚好、近4,000次分享。有同樣目擊事件的玩家隨後貼出另一角度照片，清楚看到一名男工作人員雙手拿著隱形胸圍尋找物主，又稱起初他是把隱形胸圍掛在欄杆，及後看到有一批小孩經過便隨即取下來放到池邊待認領。
不少網民看完都感到場面滑稽有趣，「見大家咁靜響度飄，俾啲歡樂大家精神下」、「目測現場邊個飛釘咪知囉」、「睇下邊個friend(朋友)個胸縮咗水，幫佢認領返」、「即係現場有人突(凸)點」、「呢個真係笑左(咗)」，另有人讚揚工作人員很專業，即使露出一臉尷尬笑容仍繼續尋物主，「拎起嗰下都相當勇敢。」
