油塘約20工人追兩個月糧　三判疑走佬

油塘一個地盤約20工人追討欠薪！

今日（30日）下午1時許，約20多名三判工人於油塘仁宇圍8號一個私人樓宇地盤門外，拉起一幅白色橫額，寫上「無良僱主，有汗出無糧出」，並一同高呼口號追討欠薪，一度將膠圍欄推出馬路堵路，但隨後撤回行人路。現場氣氛平靜，有多名警員戒備。

被拖薪的工人共有約4、50人

兩名在場示威的工人指，今日有約20名工人專程來追薪，惟實際被拖薪的工人有40至50人，主要負責安裝外牆、鋁板及玻璃的工作，大部分工人被拖欠6至7月的人工，8月人工相信未有著落；又指，三判判頭失聯多時，相信已經「走佬」，故工人近期轉向二判追薪，亦已經聯絡勞工處，冀二判可即日出糧，因不想再請假來追薪。

工人要求即日出糧

其後有勞方代表到場，承諾明日（31日）下午5時前出支票，但工人要求即日出糧，雙方未能達成共識。