泳兒當日在台上哭成淚人。
去年泳兒在不同頒獎禮上都有感而發，多次表示以為自己的歌唱事業要終結。相隔15年，泳兒再踏叱咤頒獎禮台上領獎，她在台上激動得哭成淚人，冷靜過後在社交平台分享心情，坦言自己在樂壇的路一直浮浮沉沉，更一度迷失，今次獲獎令她重燃信心。
泳兒對上一次拎叱咤獎已是07年。
在音樂路上迷失
06年出道的泳兒於07年1月1號奪得第一個叱咤新人金獎，她說︰「好多人以為或希望我會順風順水。我卻一直浮浮沉沉。每年只能在觀眾席望上叱咤台。也都試過因為音樂上嘅迷失，上榜入場券都無，上台parade嘅機會都無。我對自己嘅價值亦都越來越低……三年前忠於自己的音樂想法，開始左一個暗黑系，我心裡諗過如果再唔得，應該可能就係我事業嘅終站。所以我估都估唔到暗黑系列帶到我上到叱咤台。」
泳兒寫下長文分享感受。
感激公司不離不棄
最終她憑住《荊棘海》再次獲得叱咤獎座，「用咗15年嘅時間，係好漫長，默默地等待，撞板，慢慢地經營，去到今天我覺得一切都值得，亦都希望大家覺得我值得。」她在文中多謝公司、老闆楊受成、經理人霍汶希等，稱自己加入公司16年來「無大紅大紫，冇為公司賺到好多錢」，自言有很多不足，但感激公司仍對她不離不棄。她又感激在她人生低谷時，雪中送炭的朋友、同事等，認為是大家再次把她推上叱咤舞台，「多謝你哋俾勇氣我堅守信念。I did not make it , we made it tog 」